అరబ్‌ వ్యక్తి ఒకరు కారు నెంబర్‌ ప్లేట్ల దొంగతనం కేసులో అభియోగాల్ని ఎదుర్కొంటున్నాడు. కార్ల నెంబర్‌ ప్లేట్లను దొంగలించి, తన కారుకి వినియోగిస్తున్నట్లుగా నిందితుడిపై అభియోగాలు మోపబడ్డాయి. ఇతర వ్యక్తుల ఐడెంటితో ఆయా వ్యక్తుల్లా చెలామణీ అవుతూ మోసాలకు పాల్పడుతున్నట్లు కూడా నిందితుడిపై కేసులు నమోదు చేశారు. కార్ల నెంబర్‌ ప్లేట్లను దొంగిలించి, వాటిని తన కారుకి వినియోగించిన మాట వాస్తవమేగానీ, తాను ఇతర వ్యక్తుల్లా చెలామణీ అవుతూ డబ్బు దొంగిలించానంటూ తనపై మోపబడ్డ అభియోగాల్లో వాస్తవం లేదని న్యాయస్థానం యెదుట తన వాదనలు విన్పించాడు నిందితుడు.