వాషింగ్టన్‌: ట్రంప్‌ ప్రభుత్వం అనుసరిస్తున్న మహిళా వ్యతిరేక, జాతి వివక్ష, వలస వ్యతిరేక విధానాలను, అలాగే పొదుపు చర్యలను నిరసిస్తూ శనివారం నాడు అమెరికా అంతటా భారీ నిరసన ర్యాలీలు నిర్వహించారు. 2017లో ట్రంప్‌ అధికారంలోకి వచ్చిన తరువాత మహిళలు ఇంత పెద్దయెత్తున నిరసన మార్చ్‌ నిర్వహించడం ఇదే మొదటిసారి. అధ్యక్ష భవనం వైట్‌ హౌస్‌ ఎదుట 50 వేల మందితో ప్రధాన మార్చ్‌ నిర్వహించారు. న్యూయార్క్‌, లాస్‌ ఏంజెల్స్‌, అట్లాంటాతో సహా 31 నగరాల్లో నిర్వహించిన ర్యాలీల్లో వేలాది మంది మహిళలు పాల్గొన్నారు.