మస్కట్‌: ఒమన్‌ మినిస్ట్రీ ఆఫ్‌ మేన్‌ పవర్‌ 3,876 ఒమనీ జాబ్‌ సీకర్స్‌కి ఇంటర్వ్యూలకు హాజరు కావాల్సిందిగా పిలుపునిచ్చింది. ప్రైవట్‌ సెక్టార్‌లోని 358 ఉద్యోగాలకుగాను ఈ ఇంటర్వ్యూలు నిర్వహిస్తారు. ఆరు గవర్నరేట్స్‌ పరిధిలో మొత్తం 58 కంపెనీలు ఈ ఉద్యోగాల్ని అందించనున్నాయి. జనవరి 20 నుంచి జనవరి 24 వరకు ఈ ఇంటర్వ్యూలు మస్కట్‌, నార్త్‌ మరియు సౌత్‌ బతినా, సౌత్‌ షర్కియా, దఖ్లియా మరియు బురైమి గవర్నరేట్స్‌ పరిధిలో జరుగుతాయి. 527 మంది జాబ్‌ సీకర్స్‌ సోమవారం ఇంటర్వ్యూలకు హాజరవుతారు. 630 మంది జాబ్‌ సీకర్స్‌ జనరల్‌ ఎడ్యుకేషన్‌ డిప్లొమా కలిగి వున్నారు. ప్రైవేటు కంపెనీలకు అన్ని విధాలా సహాయ సహకారాలు అందిస్తామనీ, ఆయా కంపెనీలు ఒమనైజేషన్‌కి పూర్తిస్థాయిలో సహకరించాలని మినిస్ట్రీ పేర్కొంది.