ఓ ఇండియన్‌ కుక్‌కి అదృష్టం కలిసొచ్చి దుబాయ్‌ రరాఫెల్ లో బహుమతి వరించింది. ఈ విషయం గురించి ఆ కుక్‌ కమ్‌ డ్రైవర్‌ తాలూకు ఓనర్‌ మాట్లాడుతూ తమ వద్ద కుక్‌ మరియు డ్రైవర్‌గా పనిచేసే వ్యక్తి స్వదేశంలో ఇంటి సమస్య కారణంగా 4 లక్షల రూపాయల అప్పు చేయాల్సి వచ్చిందనీ, అయితే ఆ విషయం తనకు ఆలస్యంగా తెలిసిందనీ, ఈ క్రమంలో అతనికి కొంతమొత్తం వడ్డీ లేని సాయం చేశానని చెప్పారు. ఓసారి డ్రైవింగ్‌ చేస్తూ వెళుతుండగా, దుబాయ్‌ రాఫెల్ టిక్కెట్‌ని అతని పేరు మీదుగా తీసుకున్నాననీ, అదృష్టం కలిసొచ్చి ఆ టిక్కెట్‌కి బహుమతి లభించిందని అన్నారు. ఆ కారుని విక్రయించి, అప్పు తీర్చేశాడనీ, ఇప్పుడతను సంతోషంగా వున్నాడని చెప్పారు ప్రవీణ్‌ మంఘ్నాని. ఇంకో వైపు, 24వ ఎడిషన్‌ దుబాయ్‌ షాపింగ్‌ ఫెస్టివల్‌ చాలామందికి అద్భుతమైన ఆనందాల్ని తీసుకొచ్చింది. డెయిలీ గోల్డ్‌ డ్రాలో అనీష్‌ నందరాజన్‌, అమిత్‌ పండిత్‌, మొహమ్మద్‌ లోక్‌మాన్‌ హకీమ్‌ మరియు షామ్‌గిత్‌ 250 గ్రాముల గోల్డ్‌ గెలుచుకున్నారు.