మస్కట్‌: ఫిబ్రవరి 3 నుంచి ఒమన్‌లో విస్తారంగా వర్షాలు కురిసే అవకాశం వుందని పబ్లిక్‌ అథారిటీ ఫర్‌ సివిల్‌ ఏవియేషన్‌ సూచనలు జారీ చేసింది. ఈ మేరకు ఓ ప్రకటన విడుదల చేసింది పిఎసిడిఎ. లో ప్రెజర్‌ కారణంగా ఆదివారం.. అంటే ఫిబ్రవరి 3 నుంచి బుధవారం అంటే, ఫిబ్రవరి 6 వరకు ఒమన్‌లో విస్తారంగా వర్షాలు కురుస్తాయి. మస్కట్‌, ముసాందామ్‌, అల్‌ బురైమి, అల్‌ దహిరాహ్‌, నార్త్‌ బతినా, సౌత్‌ బతినా, అల్‌ దఖ్లియా, నార్త్‌ అల్‌ షర్కియా, సౌత్‌ అల్‌ షర్కియా ప్రాంతాల్లో వర్షాలు కురుస్తాయి. వర్షాలు కురిసే అవకాశం వున్న ప్రాంతాల్లో అప్రమత్తంగా వుండాలనీ వాడీస్‌లో ప్రమాదకర పరిస్థితులు తలెత్తవచ్చని హెచ్చరికలు జారీ చేశారు అధికారులు. సముద్రంలో సెయిలింగ్‌పై ప్రతి ఒక్కరూ అప్రమత్తంగా వుండాలని హెచ్చరించారు.