షార్జాలోని ప్రముఖ పార్క్‌ వారం రోజులపాటు మూసివేయనున్నారు. షార్జా మునిసిపాలిటీ ఈ మేరకు ఓ ప్రకటన విడుదల చేసింది. ఫిబ్రవరి 24 వరకు మూసివేత అమల్లో వుంటుందని అధికారులు ఆ ప్రకటనలో పేర్కొన్నారు. ఆహ్లాదకర వాతావరణం నేపథ్యంలో పార్క్‌లో అందాల్ని తిలకించాలనుకునేవారికి ఇది చేదువార్తే. కాగా, మెయిన్‌టెనెన్స్‌ పనుల నిమిత్తం అలాగే ల్యాండ్‌ స్కేపింగ్‌ పనుల కోసం ఫిబ్రవరి 17 నుంచి 24వ తేదీ వరకు పార్క్‌ని మూసివేస్తున్నట్లు అధికారులు ప్రకటనలో స్పష్టం చేశారు.