కువైట్‌ సిటీ: రోడ్డు ప్రమాదంలో ఆసియాకి చెందిన వలసదారుడొకరు తీవ్రంగా గాయపడి ప్రాణాలు కోల్పోవడం జరిగింది. ఆయన ప్రయాణిస్తున్న వాహనం ప్రమాదానికి గురవడంతో ఈ దుర్ఘటన చోటు చేసుకుంది. ఆపరేషన్స్‌ రూమ్‌కి సమాచారం అందగానే, సెక్యూరిటీ సిబ్బంది, పారామెడిక్స్‌ సంఘటనా స్థలానికి చేరుకుని, సహాయక చర్యలు ముమ్మరం చేయడం జరిగింది. అయితే, అప్పటికే ప్రమాద తీవ్రత కారణంగా వలసదారుడు మృతి చెందాడు. కేసు విచారణ చేపట్టామనీ, ప్రమాదానికి గల కారణాలు తెలియాల్సి వుందని పోలీసులు పేర్కొన్నారు.