యూఏఈలో జరిగిన రోడ్డు ప్రమాదంలో గల్ఫ్‌ జాతీయుడొకరు ప్రాణాలు కోల్పోయారు. ఉమ్‌ అల్‌ కువైన్‌లోని ఎతిహాద్‌ రోడ్డుపై ఈ ప్రమాదం చోటు చేసుకుంది. తస్‌హీల్‌ సెంటర్‌ దగ్గరలో రోడ్డు దాటుతుండగా, వాహనం అతనిపైకి దూసుకెళ్ళిందని ట్రాఫిక్‌ అండ్‌ పెట్రోల్స్‌ డిపార్ట్‌మెంట్‌ - యూఏక్యూ పోలీస్‌ డైరెక్టర్‌ కల్నల్‌ సయీద్‌ ఒబైద్‌ చెప్పారు. సంఘటన గురించిన సమాచారం అందుకోగానే ట్రాఫిక్‌ పెట్రోల్‌ ఘటనా స్థలికి చేరుకోవడం జరిగింది. తీవ్ర గాయాలతో వున్న బాధితుడ్ని హుటాహుటిన ఆసుపత్రికి తరలించగా, ఆసుపత్రి వైద్యులు అప్పటికే మృతి చెందినట్లు పేర్కొన్నారు. వాహనదారులు రోడ్డుపై అప్రమత్తంగా వ్యవహరించాలనీ, రోడ్డు దాటే క్రమంలో పాదచారులూ జాగ్రత్తగా వుండాలని కల్నల్‌ సయీద్‌ ఒబైద్‌ సూచించారు.