కువైట్‌ సిటీ: తప్పతాగి వున్న ఇద్దరు యువతుల్ని పోలీసులు అరెస్ట్‌ చేశారు. మద్యం సేవించి వాహనాలు నడపడమే కాకుండా, విధి నిర్వహణలో వున్న పోలీస్‌ అధికారి పట్ల యువతులు అసభ్యకరంగా ప్రవర్తించినట్లు అభియోగాలు మోపబడ్డాయి. సల్మియా ప్రాంతంలో పోలీసులు విధులు నిర్వర్తిస్తుండగా, నిర్లక్ష్యంగా డ్రైవింగ్‌ చేస్తూ యువతులు పోలీసులకు చిక్కారు. వాహనం నుంచి దిగాల్సిందిగా వారిని పోలీసులు కోరగా, పోలీసులపై అసభ్యకరమైన పదజాలంతో వారు విరుచుకుపడ్డారు. ఇద్దరు యువతుల్లో ఒకరు, పోలీసులపై దాడికి కూడా పాల్పడ్డారు. అరెస్ట్‌ చేసిన యువతుల్ని సంబంధిత అథారిటీస్‌కి చట్టపరమైన చర్యల నిమిత్తం అప్పగించడం జరిగింది.