దుబాయ్:కమర్షియల్‌ కంప్లియాన్స్‌ అండ్‌ కన్స్యుమర్‌ ప్రొటెక్షన్‌ (సిసిసిపి) సెక్టార్‌ - డిపార్ట్‌మెంట్‌ ఆఫ్‌ ఎకనమిక్‌ డెవలప్‌మెంట్‌ దుబాయ్‌ (డిఇడి) 13,948 సోషల్‌ మీడియా అకౌంట్స్‌ని 2018లో మూసివేసింది. ట్రేడ్‌ మార్క్స్‌ అలాగే ఇంటిగ్రిటీ ఆఫ్‌ ఈ-కామర్స్‌కి సంబంధించి వీటిని మూసివేసినట్లు తెలుస్తోంది. కౌంటర్‌ఫీట్‌ గూడ్స్‌ని విక్రయిస్తున్నట్లుగా గుర్తించి అకౌంట్స్‌ని మూసివేయించామని అధికారులు పేర్కొన్నారు. ఈ అక్కౌంట్లకు మొత్తంగా 77.9 మిలియన్‌ ఫాలోవర్స్‌ వున్నట్లు గుర్తించారు. వీటిల్లో అత్యధికంగా ఇన్‌స్టాగ్రామ్‌ అకౌంట్స్‌ 13,529 వుండగా, ఫేస్‌బుక్‌కి సంబంధించి 419 అకౌంట్లు వున్నాయి. 45 వెబ్‌సైట్లను కూడా ఈ సందర్భంగా మూసివేశారు. సోషల్‌ మీడియా వేదికగా జరిగే ఎలాంటి ఫేక్‌ ప్రచారాల్నీ, విక్రయాల్నీ ప్రోత్సహించరాదని అధికారులు సూచిస్తున్నారు.