పబ్లిక్‌ ట్రాన్స్‌పోర్ట్‌లో మహిళలకు మెరుగైన సౌకర్యాలు అందించడం కోసం మౌసలాత్‌, కర్వా బస్సుల్లో తొలి రెండు వరుసల సీట్లను మహిళలకు కేటాయించాలని నిర్ణయించుకుంది. మినిస్టర్‌ ఆఫ్‌ ట్రాన్స్‌పోర్ట్‌ జస్సిమ్‌ బిన్‌ జైఫ్‌ అల్‌ సుల్తానీ సూచనలతో ఈ నిర్ణయం తీసుకున్నామని మౌసలాత్‌ వెలషడించింది. కర్వా ట్రాన్స్‌పోర్ట్‌ సర్వీసెస్‌ నిర్వాహక సంస్థ అయిన మౌసలాత్‌, మహిళలకు ప్రత్యేకంగా కేటాయించిన సీట్లను గుర్తించేందుకు తగిన ఏర్పాట్లు కూడా చేసింది. ఇటీవల 150 కొత్త లో ఫ్లోర్‌ బస్సులు ప్రవేశపెట్టగా, అతి త్వరలో ఇంకో 150 బస్సుల్ని ప్రవేశపెట్టనుంది. వీల్‌ఛైర్‌కే పరిమితమైనవారు కూడా ఉపయోగించుకునేందుకు వీలుగా 55 బస్సుల్ని రూపొందించి అందుబాటులోకి తెచ్చారు. కర్వా స్మార్ట్‌ కార్డ్‌ ద్వారా క్యాష్‌లెస్‌ ట్రావెలింగ్‌ సౌకర్యాన్ని ఇప్పటికే కల్పించారు ప్రయాణీకులకు. ఉదయం 4.30 నిమిషాల నుంచి రాత్రి 11.30 నిమిషాల వరకు 50 రూట్లలో సుమారు 2000 మౌసలాత్‌ బస్సుల్ని నడుపుతున్నారు. 2016లో మరో మూడు నుంచి నాలుగు కొత్త రూట్లు అలాగే ఇంకొన్ని బస్సుల్ని ప్రవేశపెట్టనున్నామని సంస్థ వెల్లడించింది.