షేక్‌ జాయెద్‌ రోడ్డుపై బుధవారం ఓ కారు దగ్ధమైంది. పోలీసులు వెల్లడించిన వివరాల ప్రకారం మధ్యాహ్నం 2.12 నిమిషాల సమయంలో సఫా పార్క్‌ వద్ద అబుదాబీ వైపు మార్గంలో ఈ ఘటన చోటు చేసుకుంది. డ్రైవర్‌ చాకచక్యంగా అగ్ని ప్రమాదం నుంచి బయపడ్డాడని అధికారులు తెలిపారు. పొగ వాసన రావడంతో వెంటనే కారు నుంచి డ్రైవర్‌ బయటకు వచ్చేయడం జరిగింది. సంఘటన గురించిన సమాచారం అందుకోగానే, ఘటనా స్థలికి ఫైర్‌ ఫైటర్స్‌ చేరుకుని మంటల్ని అదుపు చేసేందుకు ప్రయత్నించారు. వాహన యజమానులు, వాహనాల్ని బయటకు తీసే సమయంలో వాటిని పూర్తిగా పరిశీలించాలని అధికారులు పేర్కొన్నారు.