ఆరేళ్ళ ఎమిరేటీ చిన్నారి, పోలీస్‌ అధికారిగా మారాడు. పోలీస్‌ యూనిఫామ్‌లో మెరిసిన ఆ చిన్నారి, కొంత సేపు అథికారిలా వ్యవహరించడం గమనార్హం. అబుదాబీలో పోలీస్‌ పెట్రోల్‌లో వీఐపీ టూర్‌ నిర్వహించాడు ఆ చిన్నారి. దీనికి సంబంధించి అబుదాబీ పోలీస్‌ ఓ ఫొటోని పోస్ట్‌ చేసింది. ఆరేళ్ళ చిన్నారి అనీస్‌ బౌలిస్‌ హద్దాద్‌ దర్జాగా పెట్రోల్స్‌ రేడియోతో కనిపిస్తున్నారు. వాహనం తాలూకు వివరాల్ని ఆ చిన్నారి అధికారికి మరో ఆఫీసర్‌ వివరించడం జరిగింది. పోలీసు వర్గాలు వెల్లడించిన వివరాల ప్రకారం మరో మూడేళ్ళ చిన్నారి సుల్తాన్‌ అష్రాఫ్‌ కాసిమ్‌కి కూడా ఇలాగే పోలీస్‌ అవ్వాలన్న కోరిక తీర్చామని చెప్పారు. మేక్‌ ఎ విష్‌ ఫౌండేషన్‌తో కలిసి అబుదాబీ పోలీస్‌ ఈ మానవీయ చర్య చేపట్టింది.