కువైట్‌ సిటీ: ఫిబ్రవరి చివరినాటికి కువైట్‌ జనాభా 4.7 మిలియన్లుగా నమోదయ్యింది. ఇందులో 1.4 మిలియన్‌ మంది కువైటీలు కాగా, 3.3 మిలియన్ల మంది వలసదారులు. కువైటీల సంఖ్య 2009తో పోల్చితే 1.1 మిలియన్ల నుంచి 1.4 మిలియన్ల వరకు చేరుకోవడం గమనార్హం. ఈ పెరుగుదల 27 శాతం కాగా, వలసదారుల పెరుగుదల శాతం 41గా నమోదయ్యింది. కువైటీ పౌరులతో పోల్చితే వలసదారుల సంఖ్య అత్యంత వేగంగా పెరుగుతోంది. కువైటీల పెరుగుదలతో అదనంగా డొమెస్టిక్‌ లేబర్‌ అవసరమవుతోంది. 2010లో వారి సంఖ్య 570,000గా వుంటే, వారి సంఖ్య 677,000గా 2017లో నమోదయ్యింది. సగటున ఏడాదికి 15,000 మంది డొమెస్టిక్‌ వర్కర్స్‌ అదనంగా నమోదవుతున్నారు.