రియాద్‌: ముగ్గురు సౌదీ మహిళలు టూర్‌ గైడ్స్‌గా అవకాశం దక్కించుకున్నారు. వీరికి టూరిజం విభాగంలో ఇప్పటికే ప్రత్యేకంగా శిక్షణ ఇప్పించారు. సౌదీ కమిషన్‌ ఫర్‌ టూరిజం అండ్‌ నేషనల్‌ హెరిటేజ్‌ - టుబుక్‌ రీజియన్‌, తొలి ముగ్గురు మహిళలకు లైసెన్సుల్ని జారీ చేయడం జరిగింది. ఎస్‌సిటిహెచ్‌ - టుబుక్‌ జనరల్‌ మేనేజర్‌ డాక్టర్‌ ముబ్రౌకి అల్‌ షిలైబి ఈ లైసెన్సుల్ని హిబా మొహమ్మద్‌ అలి అయిది, నుదా సలెహ్‌ అల్‌ ఎనెజి మరియు హనమ్‌ హతెమ్‌ అల్‌ హుమైదికి లైసెన్సుల్ని అందించారు. సొసైటీలో మహిళల పాత్ర, కింగ్‌డమ్‌ సోషల్‌ మరియు కల్చరల్‌ డెవలప్‌మెంట్‌లో మహిళల భాగస్వామ్యానికి సంబంధించి ఇది మరో కీలక ముందడుగు అని అల్‌ షిలైబి చెప్పారు.