దుబాయ్‌లో ప్రముఖ టూరిజం డెస్టినేషన్‌ అయిన గ్లోబల్‌ విలేజ్‌ సీజన్‌ 23 పొడిగించబడింది. తాజా పొడిగింపుతో ఏప్రిల్‌ 13 వరకు ఈ గ్లోబల్‌ విలేజ్‌ సందర్శకులకు అందుబాటులో వుంటుంది. మొత్తం 27 పెవిలియన్లు తెరిచే వుంటాయనీ, అదనంగా 160ఔట్‌లెట్స్‌ డెలీషియస్‌ ఫుడ్‌ని అందిస్తాయని 78 డిఫరెంట్‌ కల్చర్స్‌ చవులూరించే వంటకాల్ని ఇస్తాయని నిర్వాహకులు పేర్కొన్నారు. మల్టీ కల్చరల్‌ ఫెస్టివల్‌ పార్క్‌ గెస్ట్‌ హ్యాపీనెస్‌ ఇండెక్స్‌లో 9/10 రేటింగ్‌ పొందింది. ఫేస్‌బుక్‌, ట్విట్టర్‌, ఇన్‌స్టాగ్రామ్‌ ద్వారా గెస్ట్‌ అభిప్రాయాల్ని గ్లోబల్‌ విలేజ్‌ తెలుసుకుంటోంది. కేవలం రెండు రోజుల్లో 150,000 మందికి పైగా ఫాలోవర్స్‌ గ్లోబల్‌ విలేజ్‌కి సోషల్‌ మీడియాలో మద్దతిచ్చారు. 60కి పైగా రైడ్స్‌, స్కిల్‌ గేమ్స్‌, 100కి పైగా ఆర్కేడ్‌ గేమ్స్‌, సర్కస్‌ షో, గ్లోబల్‌ విలేజ్‌ కార్నివాల్‌ ఇవన్నీ గ్లోబల్‌ విలేజ్‌ ప్రత్యేకతలు.