కువైట్‌: మినిస్ట్రీ ఆఫ్‌ ఎడ్యుకేషన్‌, ఓ స్కూల్‌లో విద్యార్థుల మధ్య జరిగిన ఘర్షనకు సంబంధించి ప్రకటన విడుదల చేసింది. ఘటనను తీవ్రంగా ఖండిస్తున్నట్లు పేర్కొన్న మినిస్ట్రీ, నేరస్తుల్ని కఠినంగా శిక్షిస్తామని పేర్కొంది. గవర్నమెంట్‌ ప్రిలిమనరీ స్కూల్‌ విద్యార్థిపై స్కూల్‌ టాయిలెట్‌లోనే మరికొందరు సహ విద్యార్థులు దాడి చేశారు. ఈ ఘటనను వీడియోలో చిత్రీకరించారు కూడా. మినిస్టర్‌ డాక్టర్‌ హమెద్‌ అల్‌ అజ్మి ఈ ఘటనపై విచారణకు ఆదేశించారు. దాడిలో పాల్గొన్నవారిని కఠినంగా శిక్షిస్తామని చెప్పారాయన. స్కూల్‌ యాజమాన్యం ఈ ఘటనపై వివరణ ఇవ్వాల్సి వుందనీ, ఇలాంటి ఘటనలు పునరావృతం కాకుండా సైకాలజిస్టులతో కౌన్సిలింగ్‌లు విద్యార్థులకు ఇప్పించాలని అధికారులు పేర్కొంటున్నారు.