బటన్ నొక్కినందుకు నెలకు లక్షా 72 వేల జీతం!!
- March 29, 2019స్వీడన్:పొద్దున్నించి సాయింత్రం దాకా కష్టపడితేనే బాస్ బతకనిస్తాడు.. నెల వచ్చేసరికి జీతం ఇవ్వాలంటే ఏడుస్తాడు. అలాంటిది ఒక్క బటన్ నొక్కినందుకే అంత జీతమా.. ఎక్కడో చెప్పవా మేం కూడా అప్లై చేస్తాము. పక్క రాష్ట్రమైనా పర్లేదు.. కానీ ఎక్కడో స్వీడన్ దేశంలో ఈ ఉద్యోగం. అయినా వెళ్తానంటే అప్లై చేసుకోవచ్చు. ఎందుకంటే ప్రపంచంలో ఎవరైనా అప్లై చేసుకోవచ్చు. అస్సలు చదువుకోక పోయినా పర్లేదని ఓపెన్ ఆఫర్ ఇచ్చింది కంపెనీ. మరింకెందుకు ఆలస్యం… ఉద్యోగ వివరాలు చూస్తే..
స్వీడన్ ప్రభుత్వం గోథెన్బర్గ్లోని కోర్వ్సేగన్ ప్రాంతంలో ఓ రైల్వే స్టేషన్ ప్రాజెక్టుని చేపట్టింది. ఇందులో ఓ ఉద్యోగానికి భారీ ప్రకటన ఇచ్చింది. ఇంతకీ ఏమా ఉద్యోగం, ఎంత క్వాలిఫికేషన్ కావాలో అని నిరుద్యోగులంతా ఆత్రంగా పేపర్ ప్రకటన చూశారు. అర్హతలు, అనుభవం వంటివి ఏమీ అక్కర్లేదనే సరికి మరికొంత ఆసక్తి కలిగింది వారికి. ఆహా ఎంత మంచి ఉద్యోగం అని ఎగిరి గంతేశారు. ఇంతకీ ఏం చేయాలి అని చూస్తే..
డ్యూటీలోకి రాగానే స్టేషన్లో ఉన్న గడియారం దగ్గర ఉన్న బటన్ నొక్కితే చాలు. అక్కడ స్టేషన్లో అమర్చిన బల్బులన్నీ వెలుగుతాయి. ఆ తరువాత ఇంక పనేం ఉండదు. నిద్రొస్తే పడుకోవచ్చు. బోరు కొడితే బయటకు వెళ్లొచ్చు. అలా సాయింత్రం వరకు కాలక్షేపం చేసి వచ్చి మళ్లీ సమయానికి బటన్ ఆఫ్ చేసి ఇంటికి వెళ్లి పోవచ్చు. నచ్చినన్ని రోజులు చేయొచ్చు. ఒకవేళ మీకీ ఉద్యోగం నచ్చలేదనుకోండి నిరభ్యంతరంగా మానేయొచ్చు.
లేదు బావుంది ఇక్కడే ఉంటానంటే కూడా ఓకే చెబుతుంది కంపెనీ.. అక్కడే రిటైర్మెంట్ కూడా తీసుకోవచ్చట. నెల జీతం 2,500 డాలర్లు (మన కరెన్సీలో రూ.1.72 లక్షలు) ఫస్ట్ రాకముందే అకౌంట్లో పడిపోతాయి. జీతం ఒక్కటే కాదండోయ్ మరికొన్ని అదనపు బెనిఫిట్స్ కూడా ఉన్నాయట.. ఇంక్రిమెంట్లు, ఇతర అలవెన్సులు, సెలవులు, రిటైర్ అయ్యాక పింఛన్ వంటివన్నీ ఉంటాయట. ఆగండాగండి అప్లై చేయడానికి రెడీ అయిపోయారా.. రైల్వే స్టేషన్ నిర్మాణం ఇంకా పూర్తి కాలేదట. అది పూర్తయిన తరువాత అప్లై చేసుకోండి.. బెస్టాఫ్ లక్.
తాజా వార్తలు
- హైకోర్టును ఆశ్రయించిన జూనియర్ ఎన్టీఆర్
- మరోసారి హైదరాబాద్లో డ్రగ్స్ కలకలం..!
- డ్యూటీ ఫ్రీ టిక్కెట్..$1 మిలియన్ గెలుచుకున్న భారతీయ మహిళ
- పాలస్తీనా రాజ్య స్థాపనకు సౌదీ అరేబియా మద్దతు
- ఈద్ అల్ అదా సెలువులు. Dh980 నుండి యూరప్ డీల్స్..!
- ఓవర్ టైం వర్క్ పై ఆరోగ్య మంత్రిత్వ శాఖ కీలక ఉత్తర్వులు
- మస్కట్ ఎయిర్పోర్ట్...దక్షిణ రన్వే ప్రారంభం
- అక్రమ రవాణా కేసులో ఆఫ్రికన్ మహిళకు జైలుశిక్ష
- ల్యాండ్ టైటిలింగ్ యాక్ట్ పై నీతి ఆయోగ్ సంచలన ప్రకటన
- హైదరాబాద్లో అనేక ప్రాంతాల్లో భారీ వర్షం