ఆసియన్‌ సినిమాటిక్‌ ఐకాన్‌ జాకీచాన్‌, ఇండియన్‌ యాక్టర్‌ సోనూ సూద్‌తో కలిసి డిన్నర్‌ మీటింగ్‌లో పాల్గొన్నారు. ఈ ఇద్దరూ కలిసి 'కుంగ్‌ ఫూ యోగా' సీక్వెల్‌ గురించి చర్చించుకున్నట్లు తెలుస్తోంది. స్టాన్లీ టాంగ్‌ దర్శకత్వంలో రూపొందిన 'కుంగ్‌ ఫూ యోగా' సినిమాలో సోనూ సూద్‌, జాకీ చాన్‌తో కలిసి నటించిన సంగతి తెల్సిందే. తన తాజా చిత్రం 'వాంగార్డ్‌' షూటింగ్‌ కోసం వచ్చిన జాకీచాన్‌, అదే నగరంలో సోనూ సూద్‌ వున్నాడని తెలుసుకుని, ఇద్దరూ కలుసుకుని డిన్నర్‌ని ప్లాన్‌ చేసుకున్నారు. డిన్నర్‌ చాలా చాలా స్పెషల్‌గా వుందని సోనూ సూద్‌ చెప్పాడు. జాకీచాన్‌తో స్నేహం చాలా అద్భుతమైనదని చెప్పాడు సోనూ సూద్‌. జాకీచాన్‌ కుటుంబంతోనూ సోనూ సూద్‌కి ఎంతో అనుబంధం వుంది.