బహ్రెయిన్‌ ఇంటర్నేషనల్‌ ఎయిర్‌ పోర్ట్‌ (బిఐఎ) ఆపరేటర్‌ మరియు మేనేజింగ్‌ బాడీ బహ్రెయిన్‌ ఎయిర్‌పోర్ట్‌ కంపెనీ (బిఎసి), ఇండియాలోని కన్నూర్‌ నుంచి బహ్రెయిన్‌కి చేరుకున్న తొలి ఎయిర్‌ ఇండియా ఎక్స్‌ప్రెస్‌ విమానానికి ఘనంగా స్వాగతం పలికింది. కన్నూర్‌ నుంచి తొలి డైరెక్ట్‌ విమానం బహ్రెయిన్‌కి ఇదే. టూరిజం రంగంలో మరింత వృద్ధికి ఈ విమాన సర్వీసు ఊతమిస్తుందని అధికారులు అంచనా వేస్తున్నారు. బిఎసి డెలిగేషన్‌, తొలి విమానానికి స్వాగతం పలికింది. ఇందులో చీఫ్‌ కమర్షియల్‌ ఆఫీసర్‌ యమాన్‌ జైనాల్‌ వున్నారు. బహ్రెయిన్‌లో ఇండియన్‌ అంబాసిడర్‌ అలోక్‌ కుమార్‌ సిన్హా, ఎయిర్‌ ఇండియా ఎక్స్‌ప్రెస్‌ కంట్రీ మేనేజర్‌ సాకెత్‌ సరన్‌ ఇతర అధికారులు ఈ కార్యక్రమంలో పాల్గొన్నారు. ఎయిర్‌ ఇండియా సబ్సిడరీ అయిన ఈ ఎయిర్‌లైన్‌, కన్నూర్‌ ఇంటర్నేషనల్‌ ఎయిర్‌ పోర్ట్‌ నుంచి బహ్రెయిన్‌ ఇంటర్నేషనల్‌ ఎయిర్‌ పోర్ట్‌కి వారంలో రెండు రోజులపాటు సర్వీసుల్ని నడపనుంది. ఈ రూట్‌లో కువైట్‌ ఓ స్టాప్‌గా వుంది.