బహ్రెయిన్:సల్మాబాద్‌లోని ఓ లేబర్‌ అకామడేషన్‌లో చోటు చేసుకున్న అగ్ని ప్రమాదం ఒక వలసదారుడ్ని బలి తీసుకోగా, ఈ ఘటనలో మరో ముగ్గురికి అగ్ని కీలలు అంటుకోవడంతో గాయాలయ్యాయి. గాయపడ్డవారిని ఆసుపత్రికి తరలించి వైద్య చికిత్స అందిస్తున్నారు. ఎలక్ట్రిక్‌ షార్ట్‌ సర్క్యూట్‌ అవడమే ఈ అగ్ని ప్రమాదానికి కారణంగా భావిస్తున్నారు. మృతుడ్ని ఆసియా జాతీయుడిగా గుర్తించారు. దట్టమైన పొగ కారణంగా ఊపిరి అందక ఆ వ్యక్తి మృతి చెందాడని అధికారులు తెలిపారు. అగ్ని కీలల్ని తొలుత గుర్తించిన స్థానికులు సివిల్‌ డిఫెన్స్‌కి సమాచారం అందించగా, రికార్డు సమయంలో రెస్క్యూ సిబ్బంది రంగంలోకి దిగి, పరిస్థితిని చక్కదిద్దేందుకు ప్రయత్నించారు.