అబుదాబీలో స్థిరపడ్డ భారతీయ వలసదారుడు రవీంద్ర బలూర్‌, 10 మిలియన్‌ దిర్హామ్‌లను బిగ్‌ టికెట్‌ అబుదాబీ రఫాలె డ్రాలో గెల్చుకున్నారు. బుధవారం ఈ డ్రా జరిగింది. అయితే రవీంద్ర బలూర్‌ ప్రస్తుతం ఫోన్‌లో అందుబాటులో లేరు. ఈ విషయమై రవీంద్ర బలూర్‌కి నిర్వాహకులు సమాచారం ఇచ్చేందుకు ప్రయత్నించగా, రవీంద్ర బలూర్‌ కుమార్తె లైన్‌లోకి వచ్చారు. ప్రస్తుతం రవీంద్ర బలూర్‌ ముంబైలో వున్నట్లు తెలుస్తోంది. ఏప్రిల్‌ 27న రవీంద్ర బలూర్‌ అబుదాబీకి రానున్నారని ఆయన కుమార్తె తెలిపారు. ఇదిలా వుంటే, వరుసగా నాలుగోసారీ భారతదేశానికి చెందిన వ్యక్తే బిగ్‌ టికెట్‌ రఫాలె గెల్చుకోవడం గమనార్హం.