యూఏఈలో తొలిసారిగా పబ్లిక్‌ పార్క్‌లో స్కేటింగ్‌ ఫెసిలిటీని ప్రారంభించబోతున్నారు. మే నెలలో దీన్ని ప్రారంభిస్తామని రస్‌ అల్‌ ఖైమా టూరిజం డెవలప్‌మెంట్‌ అథారిటీ వెల్లడించింది. సక్ర్‌ పార్క్‌లో ఈ స్కేట్‌ పార్క్‌ నిర్మాణం కోసం పనులు వేగంగా సాగుతున్నాయి. 620 మీటర్ల పొడవైన స్కేటింగ్‌ పార్క్‌ ఘాప్‌ ట్రీ రిజర్వ్‌ వద్ద ఏర్పాటు చేస్తున్నారు. ప్రకృతి సిద్ధమైన నీడలో స్కేటింగ్‌ని ఔత్సాహికులు ఎంజాయ్‌ చేయడానికి ఆస్కారమేర్పడుతుందని నిర్వాహకులు తెలిపారు. బౌల్‌, పిరమిడ్స్‌, లెడ్జెస్‌, బ్యాంక్స్‌ మరియు రౌండ్‌ రెయిల్స్‌ వంటి అబ్‌స్టాకిల్స్‌ని స్కేటర్స్‌కి డిఫరెంట్‌ లెవల్స్‌లో ఇక్కడ పొందుపరుస్తున్నారు. స్కేట్‌ బోర్డింగ్‌, రోలర్‌ బ్లేడింగ్‌ మరియు బిఎంఎక్స్‌ బైక్‌ రైడింగ్‌ వంటి సౌకర్యాలతో ఇకపై ఈ పార్క్‌ సరికొత్త శోభను సంతరించుకోబోతోందని రస్‌ అల్‌ ఖైమా టూరిజం డెవలప్‌మెంట్‌ అథారిటీ సీఈఓ హైతమ్‌ మట్టర్‌ తెలిపారు.