సాధారణ నుంచి ఓ మోస్తరు వర్షాలు యూఏఈ వ్యాప్తంగా కురిశాయి. నేషనల్‌ సెంటర్‌ ఫర్‌ మెటియరాలజీ అండ్‌ సెస్మాలజీ వెల్లడించిన వివరాల ప్రకారం, అస్థిర వాతావరణం
కొనసాగనున్నట్లు తెలుస్తోంది. పలు చోట్ల ఆకాశం మేఘావృతమై అక్కడక్కడా వర్షాలు కురుస్తాయి. పూర్‌ విజిబిలిటీ వుంటుంది గనుక, వాహనదారులు అప్రమత్తంగా వుండాలి. 2000 మీటర్ల కంటే తక్కువ విజిబిలిటీ వుంటుందని ఎన్‌సిఎం పేర్కొంది. అత్యధిక ఉష్ణోగ్రతలు 37 నుంచి 41 డిగ్రీల వరకు నమోదవ్వొచ్చు. ఆదివారం అత్యధికంగా 42.3 డిగ్రీల సెల్సియస్‌ ఉష్ణోగ్రత నమోదయ్యింది. ఆకాశం మేఘావృతమై అక్కడక్కడా వర్షాలు కురుస్తాయి గనుక, ఉష్ణోగ్రతల్లో కొంత తగ్గుదల నమోదవ్వచ్చు.