మస్కట్‌: తొలిసారిగా ఒమన్‌లో హాట్‌ ఎయిర్‌ బెలూన్‌ కార్నివాల్‌ జరగనుంది. దోఫార్‌ గవర్నరేట్‌ ఇందుకు వేదిక కానుంది. సమ్మర్‌లో ఈ ఈవెంట్‌ జరుగుతుందని మినిస్ట్రీ ఆఫ్‌ టూరిజం పేర్కొంది. అధికారులు వెల్లడించిన వివరాల ప్రకారం దోఫార్‌లోని సోహ్‌నూత్‌ టౌన్‌లో జులై 20 నుంచి ఆగస్ట్‌ 25 వరకు హాట్‌ ఎయిర్‌ బెలూన్‌ని నిర్వహించనున్నారు. గల్ఫ్‌ లెవల్‌లో ఇలాంటి ఈవెంట్‌ ఇదే తొలసారి అనీ, తదుపరి ఖరీఫ్‌ సీజన్‌లో దీన్ని నిర్వహించనున్నామని అధికారులు పేర్కొన్నారు. ఒమనీ కంపెనీలు, గవర్నమెంట్‌ ఏజెన్సీలు ఈ ఈవెంట్‌కి సహాయ సహకారాలు అందిస్తున్నాయి.