అల్‌ జజీరా చిల్డ్రన్స్‌ ఛానెల్‌ సహకారంతో ఫారిన్‌ మినిస్ట్రీ 'ది డిప్లమాటిక్‌ ఇన్‌స్టిట్యూట్‌'ని ప్రారంభించింది. ఫారిన్‌ మినిస్టర్‌ డాక్టర్‌ ఖలీద్‌ బిన్‌ మహమ్మద్‌ అల్‌ అత్తియాహ్‌, డైరెక్టర్‌ ఆఫ్‌ ది డిప్లమాటిక్‌ ఇన్‌స్టిట్యూట్‌ డాక్టర్‌ హసన్‌ బిన్‌ ఇహ్రీహీమ్‌ అల్‌ మహన్నది మరియు మంత్రిత్వ శాఖకు చెందిన అధికారులు, అల్‌ జజీరా చిల్డ్రన్స్‌ ఛానల్‌ ప్రతినిథులు ఈ కార్యక్రమంలో పాల్గొన్నారు. 'నాజర్‌' పేరుతో ఓ కార్టూన్‌ క్యారెక్టర్‌ని కూడా రూపొందించారు. ఈ నాజర్‌ కార్యక్రమానికి సంబంధించిన అన్ని విషయాల్నీ అందరికీ అర్థమయ్యేలా తెలియజేడంలో ఉపకరిస్తుందని నిర్వాహకులు చెప్పారు. ఖతార్‌ చరిత్ర, సంస్కకృతీ సంప్రదాయాలు వంటివాటిపై వివిధ వయసులకు చెందినవారిలో అవగాహన కల్పించేలా నాజర్‌ కార్టూన్‌తో వీడియోలు సైతం రూపొందించనున్నారు. అలాగే బుక్స్‌ కూడా రూపొందిస్తారు. ఈ సందర్భంగా ఇరు పక్షాలూ ఎంఓయూపై సంతకం చేశాయి.