కువైట్‌ సిటీ: ప్రముఖ రెస్టారెంట్‌లో పనిచేస్తున్న ఆసియాకి చెందిన వర్కర్‌పై ఎంపీ తనయుడు దాడి చేసిన ఘటన ఆందోళన కలిగిస్తోంది. గ్రీన్‌ ఐస్‌లాండ్‌లోని ప్రముఖ రెస్టారెంట్‌లో ఈ ఘటన చోటు చేసుకుంది. ఈ ఘటనలో బాధితుడి కాలికి ఫ్రాక్చర్‌ అయ్యింది. సంఘటన గురించిన సమాచారం అందుకోగానే మినిస్ట్రీ ఆఫ్‌ ఇంటీరియర్‌ ఆపరేషన్స్‌ యూనిట్‌ని అప్రమత్తం చేసింది. పారామెడిక్స్‌ వెంటనే సంఘటనా స్థలానికి చేరుకుని బాధితుడ్ని సమీపంలోని ఆసుపత్రికి తరలించారు. ఎంపీ తనయుడిపై కేసు బుక్‌ చేసి విచారణ చేపడుతున్నారు. ఈ ఘటనకు గల కారణాలు తెలియాల్సి వుంది.