మస్కట్‌:విలాయత్‌ బర్కాలోని ఓ ఫర్నిచర్‌ స్టోర్‌లో అగ్ని ప్రమాదం చోటు చేసుకుంది. పబ్లిక్‌ అథారిటీ ఫర్‌ సివిల్‌ డిఫెన్స్‌ అండ్‌ అంబులెన్స్‌ (పిఎసిడిఎ) ఈ విషయాన్ని ధృవీకరించింది. ఫైర్‌ ఫైటర్స్‌ సంఘటనా స్థలానికి చేరుకుని, మంటల్ని ఆర్పివేయడం జరిగింది. ఈ ఘటనలో ఎవరికీ ఎలాంటి గాయాలూ కాలేదని పేర్కొంది పిఎసిడిఎ. ఆన్‌లైన్‌ ద్వారా విడుదల చేసిన ఓ ప్రకటనలో పిఎసిడిఎ వర్గాలు పూర్తి వివరాల్ని వెల్లడించాయి నార్త్‌ బతినా డిపార్ట్‌మెంట్‌ ఆఫ్‌ సివిల్‌ డిఫెన్స్‌ అండ్‌ అంబులెన్స్‌, అగ్ని ప్రమాదానికి సంబంధించిన సమాచారం అందుకోగానే సంఘటనా స్థలానికి చేరుకోవడం జరిగిందనీ, ఫర్నిచర్‌ అమ్మే దుకాణంలో ఈ అగ్ని ప్రమాదం చోటు చేసుకుందనీ, ఎవరికీ ఎలాంటి గాయాలూ కాకుండా మంటల్ని ఆర్పివేయడం జరిగిందనీ తెలిపింది పిఎసిడిఎ.