రస్‌ అల్‌ ఖైమా:11 ఏళ్ళ ఆసియా టీనేజర్‌ రోడ్డు ప్రమాదంలో ప్రాణాలు కోల్పోవడం జరిగింది. రస్‌ అల్‌ ఖైమాలో ఈ ప్రమాదం చోటు చేసుకోగా, 23 ఏళ్ళ ఎమిరేటీ నడుపుతున్న ఎస్‌యూవీ ఈ ప్రమాదానికి కారణమయ్యింది. రస్‌ అల్‌ ఖైమా సెంట్రల్‌ ఆపరేషన్స్‌ రూమ్‌ యాక్టింగ్‌ డైరెక్టర్‌ జనరల్‌ కల్నల్‌ అహ్మద్‌ అల్‌ సామ్‌ అల్‌ నక్బి మాట్లాడుతూ, గురువారం రాత్రి 8.30 నిమిషాల సమయంలో ప్రమాదానికి సంబంధించిన సమాచారం అందిందని చెప్పారు. యాక్సిడెంట్‌ ఇన్వెస్టిగేషన్‌ అండ్‌ ఎనాక్ట్‌మెంట్‌ డైరెక్టర్‌ కెప్టెన్‌ హమాద్‌ అల్‌ షెహి మాట్లాడుతూ, ప్రాథమిక సమాచారాన్ని బట్టి బాధితుడు ఇంటర్నల్‌ రోడ్డుపై జాగింగ్‌ చేస్తుండగా ప్రమాదం జరిగినట్లు తెలుస్తోందని చెప్పారు. అనూహ్యంగా బాధితురాలు రోడ్డు మీదకు వచ్చేయడంతో వాహనాన్ని నడుపుతున్న వ్యక్తి తప్పించడానికి సమయం దొరకలేదని పోలీస్‌ అధికారులు వివరించారు. పారామెడిక్స్‌, బాధితురాల్ని రక్షించేందుకు ప్రయత్నించినా ఉపయోగం లేకుండా పోయింది. ఆమె అక్కడికక్కడే ప్రాణాలు కోల్పోయింది. రోడ్డు పక్కన నడిచేవారు చాలా అప్రమత్తంగా వుండాలనీ, వాహనదారులు సైతం ట్రాఫిక్‌ రూల్స్‌ పాటించాలని అధికారులు సూచించారు.