హృదయకాలేయం చిత్రంతో తెలుగు ప్రేక్షకులకు పరిచయమైన నటుడు సంపూర్ణేష్‌ బాబు త్వరలో కొబ్బరిమట్ట అనే సినిమాతో అలరించడానికి సిద్ధమౌతున్నారు. ఈ చిత్రంలో ఆయన పాపారాయుడు వేషంలో అలరించనున్నారు. దీనికి సంబంధించిన ఓ పోస్టర్‌ను సంపు తన ఫేస్‌బుక్‌ ఖాతా ద్వారా అభిమానులతో పంచుకుంటూ నూతన సంవత్సర శుభాకాంక్షలు తెలిపారు. రూపక్‌ రొనాల్డ్‌సన్‌ దర్శకత్వం వహిస్తున్న ఈ చిత్రాన్ని ఆది కుంభగిరి, సాయి రాజేష్‌ నీలం సంయుక్తంగా నిర్మిస్తున్నారు. 2016 మార్చిలో కొబ్బరిమట్ట విడుదలకు సన్నాహాలు చేస్తున్నారు.