నూతన వసంతాన్ని ఆనందోత్సాహాల మధ్య స్వాగతించాల్సింది పోయి.. యూరప్‌లో పలు ప్రధాన నగరాల్లో ఉగ్రదాడుల హెచ్చరికలతో నేపథ్యంలో ఆంక్షలతో వేడుకలు జరుపుకోవాల్సిన పరిస్థితి ఏర్పడింది. ఇటీవల ఫ్రాన్స్‌, అమెరికాలలో జరిగిన ఉగ్రవాద దాడులు జరిగిన సంగతి తెలిసిందే. కొత్త సంవత్సరం సందర్భంగా దాడులు జరిగే అవకాశం ఉందనే హెచ్చరికలతో యూరప్‌లోని పలు నగరాల్లో భద్రతను మరింత కట్టుదిట్టం చేశారు. అధికారులు అప్రమత్తమయ్యారు. బెల్జియం రాజధాని బ్రస్సెల్స్‌లో ఉగ్రదాడుల హెచ్చరికలతో పెద్ద ఎత్తున నిర్వహించే సంబరాలను రద్దు చేశారు. అలాగే పారిస్‌, లండన్‌, బెర్లిన్‌, మాస్కో నగరాల్లో వేడుకలు నిర్వహించడానికి ప్రత్యేక జాగ్రత్తలు తీసుకుంటున్నారు. కట్టుదిట్టమైన భద్రత ఏర్పాటు చేశారు. టర్కీలోని అంకారాలో ఉగ్రవాద దాడిని అడ్డుకున్నట్లు పోలీసులు తెలిపారు.