జోర్డాన్‌కి చెందిన ఓ వ్యక్తికి తన బ్యాంకులో 100,000 దిర్హామ్‌లు డిపాజిట్‌ అయినట్లుగా మెసేజ్‌ వచ్చింది. కొద్ది నిమిషాల్లోనే మరో 23,000 అతని అకౌంట్‌లో డిపాజిట్‌ అయ్యాయి. బెలాల్‌ అల్‌ హౌరి అనే వలసదారుడికి ఈ వింత అనుభవం ఎదురయ్యింది. వృత్తి రీత్యా ట్రేడ్స్‌మెన్‌ అయిన ఆ వ్యక్తి తొలుత రోజువారీ ట్రాన్సాక్షన్స్‌లో భాగంగానే ఇదంతా జరిగిందని అనుకున్నారు. అయితే అనుమానం వచ్చి బ్యాంకుని సంప్రదించగా, ఓ ఎమిరేటీ మహిళ ఆ సొమ్ముని డిపాజిట్‌గా చేసినట్లు తెలిసింది. అనుకోకుండా ఆ తప్పిదం జరిగిందని గ్రహించిన బెలాల్‌ అల్‌ హౌరి, సదరు మహిళను సంప్రదించి, ఆమె అకౌంట్‌కి తిరిగి సొమ్ముని బదిలీ చేశారు. రెండు బ్యాంకు అకౌంట్‌లు దాదాపు ఒకేలా వుండటంతో పొరపాటు జరిగినట్లు తెలుస్తోంది. బ్యాంకు, అలాగే మహిళ, ఆమె భర్త కూడా బెలాల్‌ అల్‌ హౌరి గొప్పతనాన్ని అభినందించారు.