మస్కట్‌: విలాయత్‌ సలాలాలోని అల్‌ కవాబ్‌ ప్రైమరీ స్కూల్‌ క్లాస్‌ రూమ్‌లో అగ్ని ప్రమాదం చోటు చేసుకుంది. ఎయిర్‌ కండిషన్డ్‌ యూనిట్‌లో సమస్య కారణంగా ఈ ప్రమాదం సంభవించినట్లు అధికారులు పేర్కొన్నారు. దోఫార్‌ డైరెక్టర్‌ జనరల్‌ ఆఫ్‌ ఎడ్యుకేషన్‌ ఈ మేరకు ఓ ప్రకటన విడుదల చేశారు. ఈ ఘటనలో ఎవరికీ ఎలాంటి ప్రమాదం జరగలేదని ఆ ప్రకటనలో డైరెక్టరేట్‌ ఆఫ్‌ ఎడ్యుకేషన్‌ పేర్కొంది. స్కూల్‌ ప్రాపర్టీకి మాత్రం స్వల్పంగా నష్టం వాటిల్లింది. తిరిగి క్లాసులు నిర్వహించేందుకు వీలుగా పరిస్థితిని చక్కదిద్దుతున్నట్లు డైరెక్టరేట్‌ వెల్లడించింది. రేపటినుంచి యధాతథంగా స్కూల్‌ కొనసాగుతుందని డిజి స్పష్టం చేశారు.