మస్కట్‌: విలాయత్‌ సుర్‌లోని ఓ భవనం అగ్ని ప్రమాదానికి గురయ్యిందని, ఫైర్‌ ఫైటర్స్‌ సకాలంలో స్పందించి ఎవరికీ ఎలాంటి ప్రమాదం సంభవించకుండా చర్యలు చేపట్టారని పబ్లిక్‌ అథారిటీ ఫర్‌ సివిల్‌ డిఫెన్స్‌ అండ్‌ అంబులెన్స్‌ వెల్లడించింది. డిపార్ట్‌మెంట్‌ ఆఫ్‌ సివిల్‌ డిఫెన్స్‌ అండ్‌ అంబులెన్స్‌ - గవర్నరేట్‌ ఆఫ్‌ సదరన్‌ షర్కియా - ఫైర్‌ బ్రిగేడ్‌ సంఘటన గురించిన సమాచారం అందుకోగానే, ప్రమాద స్థలికి చేరుకుని, సహాయక చర్యలు ముమ్మరం చేసినట్లు అధికారులు పేర్కొన్నారు. ఈ ప్రమాదంలో ఆస్థి నష్టం సంభవించినా, ప్రాణ నష్టం జరగలేదు. ఎవరికీ ఎలాంటి గాయాలూ కాలేదు.