కువైట్‌ సిటీ: 80 శాతం మందికి పైగా కువైటీలు బ్యాంక్‌ అకౌంట్లు కలిగి వున్నట్లు అధికారికంగా తేలింది. మొత్తం 5.7 మిలియన్‌ మందిలో, 3.8 మిలియన్ల మందికి అకౌంట్లు వున్నాయి. 836,600 మంది బ్యాంక్‌ అకౌంట్‌ హోల్డర్స్‌లో 22 శాతం మందికి క్రెడిట్‌ కార్డులున్నాయి. బ్యాంకింగ్‌ అప్లికేషన్ల ద్వారా బ్యాలెన్స్‌ ట్రాన్స్‌ఫర్‌ - రిసీవ్‌ వంటివి చేస్తున్నవారి శాతం 36గా నమోదయ్యింది. ఆన్‌ లైన్‌ ద్వారా వీరు బిల్లుల్ని చెల్లిస్తున్నారు. 18 శాతం మంది మహిళలు, 25 శాతం మంది పురుషులు క్రెడిట్‌ కార్డులు కలిగి వున్నారు. 38 శాతం మంది మహిళలు, 35 శాతం మంది పురుషులు ఆన్‌లైన్‌ ట్రాన్సాక్షన్స్‌ చేస్తున్నారు.