కువైట్‌ సిటీ: గర్ల్‌ఫ్రెండ్‌పై వేధింపులకు పాల్పడుతున్న ఓ కువైటీ వ్యక్తిని పోలీసులు అరెస్ట్‌ చేశారు. వేధింపులకు సంబంధించి బాధితురాలు పోలీసులకు సమాచారం అందించడంతో నిందితుడ్ని అదుపులోకి తీసుకున్నారు. సదరు వ్యక్తి డ్రగ్స్‌కి బానిసైనట్లు పోలీసులు తెలిపారు. బాధితురాలు, నిందితుడితో స్నేహాన్ని రద్దు చేసుకోవడంతో నిందితుడు ఆమెపై కక్ష కట్టినట్లు పోలీసులు వివరించారు. కేవలం నిందితుడి జుగుప్సాకరమైన ప్రవర్తన కారణంగానే బాధితురాలు నిందితుడికి దూరంగా వుండాలని నిర్ణయించుకున్నారనీ, దాంతో నిందితుడు ఆమెను మరింతగా వేధించడం మొదలు పెట్టాడని, ఈ క్రమంలో ఆమె వుంటోన్న ఇంటిపై దాడికి దిగాడని పోలీసులు పేర్కొన్నారు.