మస్కట్‌:రాయల్‌ ఒమన్‌ పోలీస్‌కి చెందిన పాస్‌పోర్ట్‌, ట్రాఫిక్‌ అలాగే సివిల్‌ స్టేటస్‌ సర్వీసులకు సంబంధించి పవిత్ర రమదాన్‌ మాసంలో కొన్ని సమయ మార్పులు ప్రకటితమయ్యాయి. రాయల్‌ ఒమన్‌ పోలీస్‌ అధికారులు ఉదయం 8.30 నిమిషాల నుంచి 1 గంట వరకు అందుబాటులో వుంటారని ఈ సందర్భంగా ప్రకటనలో పేర్కొన్నారు. అధికారిక వర్కింగ్‌ అవర్స్‌ రమదాన్‌ మాసంలో వివిధ ఆర్‌ఓపి ఫార్మేషన్స్‌ ఉదయం 8.30 నిమిషాల నుంచి మధ్యాహ్నం 1 గంట వరకు మాత్రమేననీ, పాస్‌పోర్ట్‌, రెసిడెన్స్‌, సివిల్‌ స్టేటస్‌ మరియు ట్రాఫిక్‌కి సంబంధించి రెండు షిఫ్టుల సిస్టమ్‌ పనిచేస్తుందనీ, అది ఉదయం 8.30 నిమిషాల నుంచి సాయంత్రం 5 గంటల వరకు వుంటుందని అధికారులు స్పష్టం చేశారు.