షార్జాలో కొత్తగా 40 రాడార్లను ఇన్‌స్టాల్‌ చేసినట్లు ట్రాఫిక్‌ అధికారులు వెల్లడించారు. 2016 జనవరి 1 నుంచి ఈ రాడార్లు అందుబాటులోకి వచ్చాయి. రాడార్లను ట్రాఫిక్‌ సిగ్నల్స్‌గా వినియోగించడం ద్వారా రహదార్లపై ప్రమాదాల్ని తగ్గించడానికి వీలవుతుందని అధికారులు ఆశాభావం వ్యక్తం చేశారు. ట్రాఫిక్‌ సిగ్నల్స్‌ని తొందరగా దాటెయ్యాలన్న ఉద్దేశ్యంతో సిగ్నల్స్‌ వద్ద అతి వేగంగా వాహనాలు నడుపుతూ ప్రమాదాలకు గురవుతున్నారనీ, కొత్త రాడార్‌ ట్రాఫిక్‌ సిగ్నల్‌ వ్యవస్థ ద్వారా మోటరిస్టులకు ఉపకరిస్తూనే, రహదారిపై నడిచేవారికీ ప్రమాదాల నుంచి ఉపశమనం అందిస్తుందని అధికారులు చెప్పారు. రోడ్లపై ప్రమాదాలు తగ్గించడానికే ఈ కొత్త రాడార్‌ ట్రాఫిక్‌ సిగ్నల్స్‌ని ఏర్పాటు చేశామంటున్నారు అధికారులు. కొత్త రాడార్ల ద్వారా మోటరిస్టులకు ప్రమాదాలు, ఫైన్స్‌ చాలావరకు తప్పుతాయని అధికారులు భావిస్తున్నారు.