బహ్రెయిన్‌: దేశంలోని 73 ప్రాంతాల్లోని పేదలకు పవిత్ర రమదాన్‌ మాసం సందర్భంగా 'సాయం' అందించడం జరిగింది. సుమారు 4,000 కుటుంబాలకు ఈ సాయం అందించినట్లు బహ్రెయిన్‌ రెడ్‌ క్రిసెంట్‌ సొసైటీ పేర్కొంది. 17 రోజులపాటు ఈ కార్యక్రమాన్ని చేపట్టామని బిఆర్‌సిఎస్‌ జనరల్‌ డైరెక్టర్‌ ముబారక్‌ అల్‌ హాది చెప్పారు. మొత్తం 4,138 కుటుంబాలుఏ రమదాన్‌ సాయాన్ని అందుకున్నాయి. ఈ సందర్భంగా వాలంటీర్లను ముబారక్‌ అల్‌ హైది అభినందించారు. సొసైటీలోని లిస్ట్‌తో సరిపోల్చుకుని ఆయా కుటుంబాలకు సాయం అందించినట్లు చెప్పారు అల్‌ హైది. ఈ సాయం అందించడంలో తోడ్పాటు అందించిన ఇన్‌స్టిట్యూషన్స్‌, సిటిజన్స్‌, రెసిడెంట్స్‌కి ప్రత్యేకంగా కృతజ్ఞతలు తెలిపారు. విరివిగా విరాళాలు అందడం వల్లే ఇంతటి ఘనత సాధ్యమయ్యిందని అల్‌ హైది వివరించారు.