మస్కట్‌: పవిత్ర రమదాన్‌ మాసం తొలి రోజు మే 7గా ప్రకటించారు ఒమన్‌లో. మెయిన్‌ కమిటీ ఆఫ్‌ న్యూ మూన్‌ సైటింగ్‌ ఈ విషయాన్ని వెల్లడించింది. మినిస్ట్రీ ఆఫ్‌ ఎండోవ్‌మెంట్స్‌ అండ్‌ రెలిజియస్‌ ఎఫైర్స్‌ ఈ మేరకు ఓ ప్రకటన విడుదల చేసింది. ఆదివారం సాయంత్రం ఎలాంటి మూన్‌ సైటింగ్స్‌ కనిపించలేదని, ఈ కారణంగా రమదాన్‌ మంగళవారం నుంచి ప్రారంభమవుతుందని అధికారులు వివరించారు. కాగా, హిస్‌ మెజెస్టీ సుల్తాన్‌ కబూస్‌ బిన్‌ సైద్‌కి మినిస్ట్రీ రమదాన్‌ శుభాకాంక్షలు తెలిపింది. ఒమనీ ప్రజలు, ఇస్లామిక్‌ ఉమ్మాహ్‌కు శుభాకాంక్షలు తెలుపుతూ ప్రకటన విడుదల చేసింది ఒమన్‌ మినిస్ట్రీ ఆఫ్‌ ఎండోవ్‌మెంట్స్‌ అండ్‌ రెలిజియస్‌ ఎఫైర్స్‌.