కువైట్‌:సెక్యూరిటీ సోర్సెస్‌ వెల్లడించిన వివరాల ప్రకారం 2019 తొలి నాలుగు నెలల్లో సుమారు 4,500 మంది వలసదారుల్ని డిపోర్టేషన్‌ చేశారు. వీరిలో ఆసియా, అరబ్‌ దేశాలకు చెందినవారున్నారు. రెసిడెన్స్‌ మరియు లేబర్‌ చట్టం ఉల్లంఘనలకు పాల్పడినందుకుగాను వీరిని డిపోర్ట్‌ చేయడం జరిగిందని అధికారులు పేర్కొన్నారు. మరోపక్క, డైరెక్టరేట్‌ జనరల్‌ ఫర్‌ ఇన్వెస్టిగేషన్‌ ఆఫ్‌ రెసిడెన్స్‌, 800 మందికి సంబంధించి సెర్చ్‌ వారెంట్‌ని జారీ చేసింది. దేశంలోకి అనుమానాస్పద కంపెనీల ద్వారా వీరు ప్రవేశించినట్లు అధికారులు చెబుతున్నారు. కాగా, జలెబ్‌ అల్‌ షుయోఖ్‌ పోలీస్‌, సెక్యూరిటీ చెక్‌లో భాగంగా ఇద్దర్ని అరెస్ట్‌ చేశారు. అరెస్టయినవారిలో ఒకరు ఈజిప్టియన్‌ కాగా, మరొకరు సిరియన్‌.