మనామాలో ఓ వలసదారుడిపై వీధి కుక్కలు దాడి చేశాయి. పార్కింగ్‌ లాట్‌ వద్ద ఈ ఘటన చోటు చేసుకుంది. ప్రతిరోజూ వీధి కుక్కలతో సమస్య ఎదుర్కొంటున్న తాను, ఆ రోజు కూడా చాలా జాగ్రత్తగా వున్నాననీ, దురదృష్టవశాత్తూ తన మీద కుక్కలు దాడి చేశాయని బాధితుడు పేర్కొన్నారు. ప్రస్తుతం బాధితుడికి వైద్య చికిత్స అందుతోంది. అతని శరీరంపై చాలా గాయాలయ్యాయి. యాంటీ టెటనస్‌ వ్యాక్సిన్‌ మరియు మందుల కోసం 20 బహ్రెయినీ దినార్స్‌ ఖర్చు చేసినట్లు తెలిపారు బాధితుడు. ఘటన జరిగిన వెంటనే పోలీసులకు ఫిర్యాదు చేశాననీ, ఆ తర్వాత సల్మానియా ఆసుపత్రికి వెళ్ళి వైద్య చికిత్స చేయించుకున్నానని బాధితుడు తన పరిస్థితిని వివరించారు.