బహ్రెయిన్‌లో సిక్కు సమాజం ఓ అద్భుతమైన కార్యక్రమాన్ని చేపట్టింది. 'సచ్‌ సునాయి సచ్‌ ది బెలా' - సిక్‌ గురుద్వారాస్‌ బహ్రెయిన్‌ నేతృత్వంలో ఇఫ్తార్‌ మీల్స్‌ పంపిణీ సల్మానియాలో జరిగింది. బహ్రెయిన్‌లోని అన్ని సిక్‌ గురుద్వారాస్‌ ఒక్కతాటిపైకి వచ్చి ఈ కార్యక్రమాన్ని చేపట్టినట్లు సచ్‌ సునాయి ది బెలా ప్రెసిడెంట్‌ జగిర్‌ సింగ్‌ చెప్పారు. సిక్కు సమాజం మొత్తంగా 200 ఇఫ్తార్‌ మీల్స్‌ని సల్మానియాలోని మస్‌జిద్‌ కాంప్లెక్స్‌లో పంపిణీ చేసినట్లు తెలిపారాయన. రెండు కమ్యూనిటీస్‌ మధ్య స్నేహ భావం మరింత పెంపొందేలా ఈ కార్యక్రమం చేపట్టామని ఆయన వివరించారు. ముందు ముందు ఇలాంటి కార్యక్రమాల్ని మరింత ఘనంగా చేపట్టబోతున్నట్లు కనూ గార్డెన్‌ గురుద్వారా కమిటీ ప్రెసిడెంట్‌ రాకేష్‌ శర్మ చెప్పారు.