యూఏఈ:జూన్‌ నెలకిగాను యూఏఈలో పెట్రోల్‌ ధరలు పెరగబోతున్నాయి. సూపర్‌ 98 పెట్రోల్‌ ధర 2.48 దిర్హామ్‌ల నుంచి 2.53 దిర్హామ్‌లకు చేరుకుంటుంది. స్పెషల్‌ 95 పెట్రోల్‌ ధర 2.34 నుంచి 2.42కి పెరుగుతుందని అధికారులు వెల్లడించారు. డీజిల్‌ ధర 2.53 నుంచి 2.56 దిర్హామ్‌లకు పెరగనుంది. పెట్రోల్‌ ధరలు పెరగడం వరుసగా ఇది నాలుగో నెల కావడం గమనార్హం. అంతర్జాతీయంగా ముడి చమురు ధరల ప్రభావం నేపథ్యంలో ఈ మార్పులు చోటు చేసుకుంటున్నాయి.