అబుధాబి:కొంతమంది చిన్నారులు గ్రూప్‌గా ఏర్పడి, ముస్సాఫాలోని ఇండస్ట్రియల్‌ ఏరియాలో కార్మికులకు ఇఫ్తార్‌ విందుని ఏర్పాటు చేశారు. 20 మంది చిన్నారుఉల ఈ కార్యక్రమాన్ని ఏర్పాటు చేయడం గమనార్హం. అందులోనూ మెజార్టీ చిన్నారులు నాన్‌ ముస్లింలు కావడం మరో విశేషం. ఇండియన్‌ సోషల్‌ అండ్‌ కల్చర్‌ సెంటర్‌ (ఐఎస్‌సి)కి చెందిన చిన్నారుల విభాగం ఈ కార్యక్రమాన్ని చేపట్టింది. క్లబ్‌ ఎగ్జిక్యూటివ్‌ కమిటీ ప్రెసిడెంట్‌ అనుశ్రీ, వైస్‌ ప్రెసిడెంట్‌ హరిశంకర్‌ మరియు చీఫ్‌ కో-ఆర్డినేటర్‌ పూజ నేతృత్వంలో ఈ కార్యక్రమం జరిగింది. సిటీ నుంచి 90 నిమిషాల బస్‌ జర్నీ తర్వాత లేబర్‌ అకామడేషన్‌కి చేరుకున్నామని, మాస్క్‌ ప్రాంగణంలో ఈ కార్యక్రమాన్ని నిర్వహించామని, ఇది తమకు చాలా గొప్ప అనుభవమనీ చిన్నారులు చెప్పారు. వారితో కలిసి ఫాస్టింగ్‌ని ముగించామని చిన్నారులు వివరించారు. పేరెంట్స్‌ డైరెక్షన్‌లో పిల్లలు చేపట్టిన ఈ కార్యక్రమం పట్ల లేబరర్స్‌ కూడా హర్షం వ్యక్తం చేశారు.