బహ్రెయిన్:సనద్‌ టౌన్‌లో భారీ అగ్ని ప్రమాదం చోటు చేసుకుంది. ఇసా టౌన్‌, రిఫ్ఫా మరియు జుర్దామ్‌ సమీపంలోని సనద్‌ టౌన్‌లో సాయంత్రం 4.20 నిమిషాల సమయంలో ఈ ప్రమాదం చోటు చేసుకున్నట్లు అధికారులు పేర్కొన్నారు. 5 ఫైర్‌ ట్రక్కులు, 16 మంది అధికారులు అక్కడి పరిస్థితిని పర్యవేక్షిస్తున్నారు. ఓ భవనం మొత్తం అగ్ని కీలలు వ్యాపించడంతో ఆస్తి నష్టం తీవ్రస్థాయిలో వుంటుందని అంచనా వేస్తున్నారు. ప్రస్తుతానికైతే ఎవరికీ ఎలాంటి గాయాలైనట్లు, ప్రాణాలు కోల్పోయినట్లు సమాచారం అందలేదు. అగ్ని ప్రమాదానికి గల కారణాలు తెలియాల్సి వుంది. మంటల్ని అదుపు చేసేందుకు తీవ్రంగా శ్రమించారు ఫైర్‌ ఫైటర్స్‌.