సినిమాల్లో అవకాశాలు వస్తే నటిస్తూ.. తనపనేదో తానుచేసుకుంటోంది నటి నోరా ఫతేహీ. ఎవరి దగ్గరా చేయి చాచకుండా ఏపనైనా గౌరవంగా చేసి డబ్బులు సంపాదించుకుంటోంది. రాజమౌళి చెక్కిన బాహుబలి చిత్రంలో మనోహరి అనే స్పెషల్ సాంగ్‌లో కనిపించింది. తన అంద చందాలతో, అభినయంతో ప్రేక్షకులను అలరించిన నోరా జూనియర్ ఎన్టీఆర్ టెంపర్ చిత్రంలో ఇట్టాగే రెచ్చిపోదాం అనే పాటకి స్టెప్పులేసింది. రవితేజ కిక్-2 టైటిల్ సాంగ్‌లో ఆడి పాడింది. మరికొన్ని చిత్రాలు షేర్, లోఫర్, ఊపిరి చిత్రాల్లో ప్రత్యేక గీతాల్లో నర్తించింది. ఈ ఇండో-కెనడా మోడల్ సామాజిక మాధ్యమాల్లో చురుగ్గా ఉంటూ తను చేసిన వీడియోలను షేర్ చేస్తుంటుంది. తాజాగా బ్యాంకాక్‌లోని ఓ మార్కెట్లో నేల మీద కూర్చుని దుస్తులు అమ్ముతోంది. స్థానిక భాషలోనే మాట్లాడుతూ కస్టమర్లను ఆకట్టుకుంటోంది. ప్రస్తుతం ఈ వీడియో సోషల్ మీడియాలో చక్కర్లు కొడుతోంది.