రాజధాని హైదరాబాద్ నగరాన్ని స్పోర్ట్స్ హబ్‌గా తీర్చి దిద్దుతామని మంత్రి కల్వకుంట్ల తారక రామారావు అన్నారు. ఇవాళ ఆయన సనత్‌నగర్ మోడల్ మార్కెట్ నిర్మాణానికి శంకుస్థాపన చేశారు. ఈ కార్యక్రమంలో మంత్రులు నాయిని నర్సింహరెడ్డి, తలసాని శ్రీనివాస్ యాదవ్ పాల్గొన్నారు. కార్యక్రమంలో మంత్రి కేటీఆర్ మాట్లాడుతూ.. క్రీడలపై సీఎం కేసీఆర్ ప్రత్యేక శ్రద్ధ చూపిస్తున్నారని వెల్లడించారు. క్రీడాకారులకు ప్రత్యేక ప్రోత్సాహకాలను అందజేస్తున్నారని తెలిపారు. రూ.5 కోట్లతో సనత్‌నగర్ స్పోర్ట్స్ కాంప్లెక్స్‌ను అభివృద్ది చేస్తామన్నారు. నగరంలోని ప్లే గ్రౌండ్‌లను కాపాడుకుందామని పిలుపునిచ్చారు. వాటిని కబ్జాలకు గురికాకుండా కాపాడి మన భావితరాలకు అందించాల్సిన బాధ్యత మనపై ఉందని తెలిపారు.గత పాలకులు క్రీడాకారులను పట్టించుకోలేదని పేర్కొన్నారు