బహ్రెయిన్‌: 2019 గ్లోబల్‌ స్టారటప్‌ ఎకోసిస్టమ్‌ రిపోర్ట్‌ (జిఎస్‌ఇఆర్‌)లో బహ్రెయిన్‌కి 9 మరియు 11 ర్యాంకులు అంతర్జాతీయ స్థాయిలో (మహిళా కోటాలో) లభించాయి. స్టార్టప్‌ జినోమ్‌, గ్లోబల్‌ ఇంటర్‌ప్రెన్యూసర్‌షిప్‌ కాంగ్రెష్‌తో కలిసి ప్రతి యేడాదీ గ్లోబల్‌ స్టాటిస్టిక్స్‌ని వివిధ కేటగిరీలకు సంబంధించి విడుదల చేస్తుంటాయి. మహిళలు స్థాపించిన మెరుగైన 18 స్టార్టప్స్‌లో బహ్రెయిన్‌ గౌరవప్రదమైన స్థానాల్ని దక్కించుకుంది. సిలికాన్‌ వ్యాలీ యూఎస్‌ఏ, న్యూజిలాండ్‌, లండన్‌, కేప్‌టౌన్‌ వంటివి ఈ లిస్ట్‌లో వున్నాయి. తమ్కీన్‌ చీఫ్‌ ఎగ్జిక్యూటివ్‌ డాక్టర్‌ ఇబ్రహీమ్‌ మొహమ్మద్‌ జనాహి మాట్లాడుతూ, బహ్రెయిన్‌ ఎకనమిక్‌ ఫ్యూచర్‌కి సంబంధించి మహిళల పాత్రను గుర్తించి వారిని ఆయా రంగాల్లో ప్రోత్సహిస్తుండడం వల్లే ఈ ఫలితాలు వచ్చాయని అన్నారు.