మస్కట్‌: మస్కట్‌ - బహ్లా రూట్‌ని రోడ్డు ప్రమాదం కారణంగా మూసివేసినట్లు పోలీసులు పేర్కొన్నారు. ఈ నేపథ్యంలో వాహనదారులు ట్రాఫిక్‌ మళ్ళింపునకు తగ్గట్టుగా తమ వాహనాల్ని నడపాల్సి వుంటుందని వారు సూచించారు. మస్కట్‌ - బహ్లా రోడ్‌ వినియోగదారులు ప్రత్యామ్నాయ మార్గాల్లో ప్రయాణించాలనీ, రోడ్డు ప్రమాదం కారణంగా ఫ్యూయల్‌ ట్యాంక్‌ నుంచి ఆయిల్‌ లీక్‌ అవడంతో ఖమిలా ప్రాంతంలో రోడ్డుని క్లోజ్‌ చేశామని ట్రాఫిక్‌ పోలీస్‌ విభాగం పేర్కొంది. పరిస్థితిని చక్కదిద్దుతున్నామనీ, పూర్తిగా పరిస్థితి అదుపులోకి వచ్చేదాకా వాహనదారులు సహకరించాలని రాయల్‌ ఒమన్‌ పోలీస్‌ ఓ ప్రకటనలో స్పష్టం చేశారు.